کتاب دار 

--------------

رات دن کتابوں کے ڈھیر میں اپنے آپ کو تلاش کرتے کرتے،
وہ دنیا سے کٹ سا گیا تھا۔اسکے نواح میں تنہائیوں نے جالے بن دےٴ تھے۔
کوئ ڈور اسے کھینچتی تھی نہ رشتوں کی چپچپاہٹ۔سنہری چہروں کو دیکھ کر بھی اسکے اندر .....
تتلیاں اڑتی تھییں نہ رنگ برستا تھا....زندگی ایک سادہ ورق بنکے رہ گئ تھی۔

پڑھتے پڑھتے کبھی وہ خلاء میں گم ہوجاتا کبھی لکھتےلکھتے اسے اپنی آہٹ محسوس ہونے لگتی۔
برسوں بعد ایک دن وہ چپ چاپ کاغذ پر نمودار ہو گیا....کتاب مکمٌل ہوگئ۔
کتاب میں جو دنیا تخلیق کی گئ تھی اسکے تاروپود خوابوں کی دنیا سے ملتے تھے۔
اسے زمین پر چاند اتارنے کی آرزو تھی،لیکن اسکے سامنے ابھی کتاب کی اشاعت کا مرحلہ تھا.

موسم لباس بدلتے رہے. کتاب مکمّل ہوئے ہفتہ و ماہ نہیں برس گزر گئے 

دھیرے دھیرے  تخلیق اور اشاعت کے درمیان وہ خود حایل ہو گیا.

اشاعت کا خیال آتے ہی اسے وہ جملے ہانٹ کرنے لگتے

جو کافکا نے اپنے ایک عزیز دوست کو لکھے تھے.....

جن میں کافکا نے اپنے مرنے کے بعد اپنی تمام ڈائریاں، مسودے، خطوط، خاکے وغیرہ 

بن پڑھے ہی نزرآتش  کر دینے کی درخواست کی تھی.

                                                                                                                                                                                              

                           -By 

     Parveen Qamar